Hoxe é Venres 17 de Setembro de 2021
History
Stations
NOTHING FOUND!

Vantaxes financeiras para o comercio local

RR_Noticias

A Asociación de Empresarios de Redondela vén de asinar un convenio con Novagalicia Banco polo que os seus asociados poderán obter financiamento gratuíto para os seus clientes e condicións vantaxosas para o Cartón Comercio.

O presidente da Asociación de Empresarios de Redondela, Jose Antonio Gómez Pérez, e o Director da zona Redondela-Morrazo de Novagalicia Banco, Martín Branco Conde, asinaron este xoves un convenio de colaboración en virtude do cal a entidade aplicará unhas condicións financeiras especiais ás empresas e comercios asociados, así como liñas de crédito gratuítas para os seus clientes mediante a utilización do Cartón Comercio e o crédito telefónico Crediventa. Dúas modalidades de pago que permiten o fraccionamento do pago sen intereses nin comisións para o comprador en prazos de até 12 meses. NCG Banco, co ánimo de optimizar a calidade do servizo que presta aos asociados á Asociación de Empresarios de Redondela, porá a disposición da asociación persoal especializado na xestión de seguros, que asesorará aos comercios sobre as pólizas que mellor se adapten ás súas necesidades. No convenio tamén se promove a difusión de fórmulas de Prevención Social, como Plans de Emprego, Plans Asociados e Plans individuais, pensando na perda de renda que poida afectar aos empresarios e aos seus trabaladores polo cesamento da súa actividade ou por mor da xubilación.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *