Hoxe é Martes 28 de Setembro de 2021
History
Stations
NOTHING FOUND!

O BNG cualifica as declaracións sobre a lonxa de Cesantes como unha “burla” á cidadanía

RR_Noticias

A agrupación nacionalista de Redondela cualifica as declaracións da conselleira Rosa Quintana de “falsas promesas electorais”, e denuncia que non se execute o proxecto integral do peirao de Cesantes, cunha nova lonxa, a pivotaxe do peirao e novas instalacións para mariñeiros e mariscadoras.

A información transmitida logo da xuntanza do alcalde de Redondela, Javier Bas, e a conselleira do Mar, Rosa Quintana, foron cualificadas de “decepcionantes” por parte do Bloque. As declaracións da conselleira asegurando que a nova lonxa estará rematada “no segundo semestres de 2013” non convencen ós nacionalistas. Botan en falta o proxecto de renovación do conxunto do Peirao de Cesantes, que chegou a ser valorado en seis millóns de euros, no que se contemplaba a renovación total da lonxa, a pivotaxe do peirao, e novas instalacións para os mariñeiros e mariscadores e mariscadoras. Finalmente, a consellería só anunciou as obras da lonxa, sen que concretaran aínda datas de execución. O BNG lamentan tamén que o alcalde evitara xuntar ás Mesa de Seguimento das Obras da Lonxa. Dita Mesa foi creada “para dar conta de todas e cada unha das novidades de dita obra”. Na Mesa había representación dos diferentes grupos políticos, da confraría e colectivos vinculados ao mundo do mar, que non foron aínda convocados.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *