Hoxe é Xoves 22 de Outubro de 2020

A Asociación Cultural e Social de Chapela pon en marcha o proxecto “Música nas parroquias”

RR_Noticias

O programa, elaborado pola Escola de Música de Chapela, pretende fomentar e achegar a música de calidade e reglada a todas as parroquias de Redondela, polo que trasladará as súas aulas a todas aquelas parroquias que o soliciten. Ademais teñen aberta a matrícula para máis de 20 actividades de ocio, deportivas e idiomas.

Begoña Rial, directora da Escola de Música de Chapela, explica que as clases serán impartidas por profesorado da propia escola, nas instalacións das asociacións culturais. O prezo das actividades será “moi asequible” a un custe similar a calquera actividade realizada nas propias asociacións das parroquias. Este proxecto vai dirixido a nenos a partir de 8 anos, sen límite de idade, e tamén conta cun profesorado especializado en impartir clases musicais para adultos. Con “Música nas parroquias” pretenden que “nin a idade, nin o prezo, nin a distancia, sexan un impedimento para que calquera que o desexe poida estudar música”. E con esta filosofía fan a súa proposta ao resto de parroquias redondelás. Contan con case 20 anos de experiencia, e ofrecen desde “Xardín Musical” para nenos desde os 3 anos, ata as clases de “Linguaxe Musical” para nenos e adultos, e as clases de instrumentos, con máis de vinte especialidades (frauta, oboe, clarinete, piano, guitarra, percusión, acordeón, gaita, etc.). Desde a Asociación Cultural e Social de Chapela ofrece tamén outras moitas actividades de lecer e formativas. Neste curso 2012-2013 impartiranse clases de Baile Moderno, Latino e de Salón, Baile Galego, Pintura, e outras relacionadas coa saúde, como Pilates, Ioga ou Aeróbic. Tamén cursos formativos de Inglés e Linguaxe de signos, Informática, etc. Moitas actividades que se imparten tanto no Multiusos do Piñeiral do Crego como nos baixos do Pavillón Municipal de Chapela, e nas que participan unha media de 400 persoas cada semana.  

Begoña Rial directora da Escola de Música de Chapela
O seu obxectivo é achegar os estudos musicais a todos os veciños das parroquias que desexen.
Actividades da Asociación
En Chapela comezan os cursos de baile Pilates aerobic informátia inglés etc.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *