Hoxe é Luns 27 de Setembro de 2021
History
Stations
NOTHING FOUND!

O Choco golea ao Grove en Santa Mariña

RR_Noticias

Cun resultado de 5-0 os redondeláns despexaron todas as posibles dúbidas logo de ter comezado a tempada cunha derrota en Atios. Malia as baixas sufridas polos de Jacobo Montes esta temporada, o equipo demostrou que segue a ter unha excelente pegada.

O equipo redondelán comezou a liga con moitos cambios, nova directiva dirixida por unha Xunta Xestora, e importantes baixas no equipo titular (Yeray, Aitor Gómez, Gorka, Fon, Yago e Álex). Comezaron tamén con dúbidas, logo da derrota da primeira xornada en Atios (0-1). Pero nada diso se deixou sentir onte no campo de fútbol de Santa Mariña. O debut do Choco diante do seu público foi inmellorable. Os dous goles de Chus e o de Diego no primeiro tempo deixaron o encontro sentenciado para o descanso. A expulsión do grovense Ameixeiro no minuto 25 por dobre amarela puxo aínda as cousas máis de cara para os redondeláns. Caloi sería o encargado de anotar os outros dous goles no segundo tempo, aínda que o encontro xa estaba sentenciado. Cos tres puntos o Choco ponse na 7ª posición da táboa. A próxima xornada visitan o campo do Valladares, un posto por riba dos de Jacobo Montes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *