Hoxe é Sábado 6 de Marzo de 2021

O goberno local de Redondela nega que se estean a privatizar os servizos municipais

RR_Noticias

Desde o executivo popular acusan ó BNG de xerar “incerteza” entre os traballadores municipais coa súa denuncia dunha suposta privatización de servizos públicos. O goberno local xustifica a contratación “puntual” dalgúns traballos a empresas alleas ó Concello pola falta de persoal e a imposibilidade de facer novos contratos.

Desde o goberno redondelán acusan ó BNG de facer “demagoxia” co asunto, cando o obxectivo do Concello é “optimizar recursos”. Explican desde o PP que resulta “imposible” manter limpo o conxunto do municipio cando só contan con catro operarios para toda a zona urbana de Redondela e dous para a de Chapela. Ante a escaseza de persoal a Concellería de Limpeza busca a maior eficiencia, xa que o Concello non pode contratar persoal nin para cubrir as baixas, polo que precisan completar as labores dos traballadores municipais coa contratación puntual de empresas para algúns traballos. Desde o BNG denunciaron estas contratacións a empresas privadas para a limpeza da praza de abastos de Redondela, traballos de mantemento nos xardíns municipais e outros servizos , como a limpeza da rúas despois do Entroido de Verán.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *