Hoxe é Mércores 25 de Novembro de 2020

O Día da Memoria en San Simón dedícase aos fillos e netos dos represaliados

RR_Noticias

O domingo 15 de xullo celébrase en San Simón por sétimo ano consecutivo o Día da memoria organizado pola Iniciativa Galega pola Memoria que aglutina a un total de 40 colectivos de toda Galicia. Na illa que acolleu o campo de concentración terá lugar un acto de homenaxe e reivindicación das vítimas da represión que contará coa presenza de dous sobreviventes que estiveron presos neste penal, Heriberto Rodríguez e Ildefonso Púente.

Con todo, este ano as asociacións que traballan na recuperación da memoria queren dedicar a xornada aos fillos e netas de persoas represaliadas ou mesmo a aqueles mozos que sen teren ningún familiar que teña padecido a represión despois do golpe militar do 36, reivindican o seu dereito a coñecer o acontecido e a non esquecer. Por este motivo, o acto comezará coa presentación do proxecto audiovisual “A pegada dos avós” na que un grupo de adolescentes buscarán testemuñas directas que os axuden a comprender o que aconteceu na Guerra Civil. A proposta céntrase na historia de Gabriel filla da fusilada Amada García e de Mariquiña Villaverde, filla do anarquista tamén asasinado José Villaverde. Logo de ver o trailer deste documental, farase un ofrenda floral no muro do cemiterio da Illa de San Antón e darase paso á intervención de Pablo Iglesias, fillo de Mercedes Núñez, presa no cárcere de Ventas e deportada ao campo de concentración alemán de Ravensbruck, Ana Aller, neta do fusilado Enrique Gómez e Valentín García Bóveda, neto de Alexandre Bóveda. Os organizadores lembran que as dificultades á hora de trasladar aos asistentes á Illa obriga a limitar o aforo. En todo caso se alguén está interesado en asistir convídanos a poñerse en contacto con calquera das asociación que conforman a Iniciativa galega pola Memoria.  

Xoan Carlos Garrido Iniciativa galega pola memoria
Ao acto do domingo asistirán sobreviventes do campo
A pegada dos avós
Un documental para non esquecer
Actos do domingo
Haberá intervencións de descendentes dos presos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *