Hoxe é Mércores 2 de Decembro de 2020

Belöp sóbese ao autobús do Red Bull Tour

RR_Noticias

O grupo redondelán que integran Fabio, Calia, David e Fermo formará parte da xira nacional do Red Bull Tour logo de ser unha das tres bandas gañadoras no concurso de música organizado por esta firma comercial.

Un vídeo caseiro rodado na cociña dun dos integrante da banda serviulles primeiro para pasar a criba inicial na que eran os internautas cos seus votos os que decidían que grupo dos seiscentos presentados pasaban a unha segunda fase. Superada a primeira proba o grupo logrou tamén o favor do xurado, formado por membros de festivais de música, músicos, xornalistas e expertos musicais, que os elixiu xunto a outras dúas bandas: Niño Burbuja e Bel Bee Bee. Belöp é unha agrupación cuxo estilo definen como synth pop e que xa teñen logrado importantes premios como o Maketón Estrella Galicia 2009 (Premio mellor maqueta), O Musicaxove 2010 ou o  Barakaldo pop-rock 2010 entre outros. Ademais o ano pasado a súa canción “Cathing her breath” protagonizou o anuncio de Mango para o lanzamento da súa nova fragancia. Actualmente os inegrantes de Belöp están a traballar no que será o seu primeiro disco de longa duración, composto por dez temas  baixo a producción de Pablo Iglesias.  

Calía Belöp
Fálanos do proceso de selección que lles permitiu quedar entre os tres galardoados
Fermo Belöp
Un premio que supón todo un recoñecemento para o grupo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *