Hoxe é Venres 26 de Febreiro de 2021

Medio Ambiente recupera o leito do río Maior en Rande para evitar inundacións

RR_Noticias

O investimento para a execución desta actuación a 4.200 euros. A acción consistiu en limpar 208 metros da canle do río ao seu paso pola zona de Rande, onde se realizou o desbroce no puntos onde a maleza dificultaba a circulación da auga. Procedeuse tmaén a recoller o lixo existente en todo o tramo.

A Xunta de Galicia, a través da Consellería de Medio Ambiente, Territorio e Infraestruturas, vén de recuperar o tramo de leito do río Maior no Concello de Redondela. Unha acción incluída na programación e proxectos en materia de mantemento, conservación e mellora do dominio público hidráulico das bacías de Galicia-Costa e as súas zonas de acceso e protección, que esta a levar a cabo o Executivo autonómico.
As obras no río Maior no concello de Redondela executáronse para limpar este recurso natural ao seu paso pola zona de Rande, onde se realizou o desbroce naqueles puntos onde a maleza invadía o cauce e dificultaba a circulación da auga. Así mesmo, podáronse algunhas arbores que presentaban as súas polas no leito do río e recolleuse o lixo existente en todo o tramo.
Por último, retiráronse varias árbores que xa se atopaban taladas ao inicio dos traballos. Para estas actuación fíxose preciso un investimento de algo máis de 4.200 euros.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *