Hoxe é Luns 2 de Agosto de 2021

Cine e charlas no calendario de actos do PSOE co gallo do día internacional da Muller

RR_Noticias

Carmen Avendaño, coñecida pola súa loita contra o narcotráfico e presidenta da Fundación Érguete visitará Redondela para presentar a curtametraxe “Ni locas ni terroristas”. Este será o primeiro dos actos organizados pola agrupación socialistas no noso concello co gallo do Día Internacional da Muller.

O primeiro destes actos terá lugar o sábado 24 de marzo ás 19:30 horas  na Sala do Multiusos da Xunqueira. A presidenta da Fundación Érguete-Integración Carmen Avendaño, presentará a curtametraxe “Ni locas ni terroristas” da directora Cecilia Barriga na que se narra a historia real de 5 nais na súa loita incansable contra a droga e todo o que ésta conleva. Seguidamente haberá una charla-coloquio moderada pola propia Carmen Avendaño, unha das protagonistas da curta.
O domingo 25 ás 19:30 proxectarase a reportaxe documental “As mulleres do mar”, producida por RedondelaTV. Neste documental será a mariscadora Magdalena Ramonet quen nos servirá de guía sobre o íntegro traballo dunha mariscadora, dende a primeira hora da mañá ata o remate da faena. É un bo xeito de coñecer o duro e sacrificado traballo das mariscadoras.
O terceiro dos actos celebrarase o venres 30 de marzo na Casa da cultura de Redondela as 20:00 horas. Nesta ocasión o acto consistirá nunha charla-coloquio titulada ” Para sair da crise é imprescindible contar coas mulleres”. A charla correrá a cargo de Carmen Cajide Hervés, actualmente deputada autonómica pola provincia de Pontevedra, portavoz de Igualdade e Cooperación e de Laura Seara Sobrado, Ex Secretaria de Estado de Igualdade e actualmente deputada no Congreso pola provincia de Ourense.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *