Hoxe é Domingo 25 de Outubro de 2020

Arela presenta o seu programa de actividades no mes dedicado á muller

RR_Noticias

A Asociación de Mulleres Arela de Saxamonde desenvolverá ao longo deste mes de marzo un programa de actividades no que se inclúen proxección cinematográficas, charlas e a presentación do libro “Lidia Senra, o liderado entrañable” que contará coa presencia da que fora Secretaria Xeral do Sindicato Labrego Galego.

A presentación do libro completarase coa charla “Muller e agro” a cargo da propia Lidia Senra que estará acompañada por Tareixa Ledo, escritora do libro no que se fai un repaso pola loita das labregas galegas ó longo dos tempos, centrándose especialmente  na figura da que foi secretaria xeral do SLG durante 18 anos. Pero esta é tan só unha das actividades que a Asociación Arela desenvolverá durante este mes co obxectivo de celebrar o Día da Muller “amosando o papel da muller en diferentes eidos da vida cotiá e desde diferentes perspectivas” a un tempo que animan a todas as mulleres a participar destas actividades. A primeira cita terá lugar mañá mesmo en colaboración coa Concellería de Igualdade e consistirá na proxección da película “O sorriso da Mona Lisa”. Unha actividade aberta a todos os que queiran achegarse ás 19:30 horas do sábado ao Centro Cultural Chan das Pipas. Xa o día 22 a Escola Vella de Saxamonde acollerá a charla Quen coida ao coidador? A cargo da psicóloga e directora do CIM, Marina Igesias quen falará sobre dependencia e coidado de persoas dependentes. As actividades pecharanse coa proxección do título “Julie and Julia” o sábado 24 e a charla “María Zambrano: pensar co corazón” a cargo de Carlos Rodríguez Alvarez, filósofo e coñecedor da vida e obra da filósofa e escritora española.  

Isabel Rodríguez Asociación Arela
Mover ás mulleres fora da casa
Marga García Arela
Un dos actos destacados será a presentación do libro "Lidia Senra o liderado entrañable"
Quen coida ao coidador?
Unha charla que terá lugar o día 22
María Zambrano
Carlos Rodríguez Alvarez falará da figura da filósofa

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *