Hoxe é Martes 24 de Novembro de 2020

O concello embargará aos morosos aínda que afirma que o cobro das taxas municipais é do 95%

RR_Noticias

A concellería de Economía e facenda ten en marcha un Plan de Inspección orientado a reclamar o pago daquelas taxas que por deficiencias no padrón non estaban a ser reclamadas e anuncia que se recorrerá ao embargo para cobrar as débedas co concello. Con todo, a edil Ana Mª Alonso quere deixar claro que a maior parte dos veciños pagan os impostos municipais e que a porcentaxe non pagada “é mínima” independentemente de si a persoa ten o pago domiciliado ou non.

A Concelleira de Economía e facenda, Ana Mª Alonso, asegura que non é certo que só se estea a cobrar a taxa do lixo a aqueles que teñen domiciliado o pago, tal e como denunciara a Asociación de veciños de Chapela. Afirma que o cobro das taxas municipais é moi alto “en torno ao 95%”. Con todo, a edil si confirmou que hai a quen non se lle estaba a reclamar o pago dalgunhas taxas, sobre todo as do lixo e saneamento, pola deficiencias existentes no Padrón Municipal “deficiencias que se están a corrixir coa posta en marcha dun plan de inspección”. O Plan de inspección, que xa está a funcionar en Redondela segundo asegurou a edil, contempla a actualización dos padróns, o que permitirá cobrar aquelas taxas que por estas deficiencias non de cobraron dende o ano 2007. Asinouse ademais un convenio de colaboración coa Axencia tributaria de xeito que igual que se pode cobrar unha multa de tráfico a través dun embargo, que tamén se poida recorrer a este sistema para cobrar as débedas co concello. A Concelleira lamenta que a denuncia pública feita dende a asociación de veciños de Chapela provoque alarma entre os veciños ou incluso comportamentos que dean lugar a futuras sancións, xa que alguén pode deixar agora de pagar as taxas municipais pensando que se pode librar das súas responsabilidades como contribuínte e atoparse logo cunha reclamación que lle demanda a taxa non abonada co recargo e a multa correspondente. Sobre a afirmación da presidenta da Asociación de Veciños de que non se está a cobrar o imposto sobre actividades económicas a ningunha empresa, asegura Ana Mª Alonso que “si se está a cobrar o IAE, pero que hai empresas que están exentas desa taxa o que podería dar lugar a algún tipo de confusión”.  

Ana Mª Alonso edil de Economía e Facenda
Maioritariamente os veciños pagan as súas taxas
Plan de Inspección e embargos
O plan persigue que actualice o padrón municipal
Sistema de recadación xusto
O obxetivo e que todos paguen o que lle corresponda
Imposto de Actividades Económicas
Hai empresas que están exentas do pago do IAE

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *