Hoxe é Luns 26 de Outubro de 2020

Redondela TV renova imaxe e contidos

RR_Noticias

O canal de televisión local en Internet retoma as emisións a partir de mañá, logo dunha presentación pública que terá lugar no Multiusos o 1 de Decembro ás 21:00 horas. Os contidos nesta nova etapa afástanse un chisco da actualidade para ofrecer máis programación propia con series centradas en diferentes temáticas que van dende a historia ata o mar, pasando pola gastronomía e a natureza. Unha canle á que se pode acceder de xeito gratuíto no enderezo www.redondelatv.com

As dificultades técnicas para xestionar a páxina Redondela TV tal e como estaba pensada nun primeiro momento levaron ao seu responsable, Fernando Carrreira “Cuchi”, a redefinir o proxecto, nace a si a nova televisión local, unha canle en Internet que retoma a súa emisión na medianoite do xoves día 1 e cuxa presentación oficial farase no Multiusos da Xunqueira as 21:00 horas de mañá. Este novo canal ofrecerá a partir de agora menos información de actualidade e maior programación propia, con series dedicadas á historia, a gastronomía o mar ou o sendeirismo, entre outras temáticas. Outro dos cambios fundamentais nesta nova etapa é a redución do texto, que pasa a ser practicamente testimonial, en favor dunha maior presencia de imaxes que cobren o 95% do contido. Como exemplo desta nova andaina o director da cadea apunta que teñen xa gravados nove capitulo da serie “Antergos” coa colaboración do arqueólogo Xurxo Constenla que é o encargado de achegar a historia e prehistoria local aos internautas. Fernando Carreira entende que, ademais de facilitar o seu traballo, todos estes cambios farán mais atraínte para o usuario unha páxina web que aspira a converterse nun referente nas televisións locais en Internet.  

Fernando Carreira director de RedondelaTV
Unha canle en Internet que retoma a emisión con moitas novidades
Serie Antergos
A prehistoria local está presente tamén neste canal televisivo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *