Hoxe é Xoves 7 de Xullo de 2022
Stations
NOTHING FOUND!
Current listeners: 
Peak listeners: 

Redondela súmase á carreira electoral do 20-N

RR_Noticias

PP, BNG e FPG celebraron na fin de semana citas diversas de marcado carácter electoral a pouco máis dun mes da cita de novembro. Os populares celebraron no Multiusos o VIII congreso local da súa agrupación, no centro cultural de Reboreda celebrouse a VI congreso da FPG e en Chapela a candidata do BNG, Olaia Fernández repartiu material informativo entre os veciños aproveitando a celebración da feira.

Non houbo sorpresas no VIII Congreso Local que o PP celebrou o sábado no Multiusos da xunqueira e onde os afiliados elixiron a Javier Bas como novo presidente da formación, logo de ser a única candidatura que se presentara. Un acto no que Bas contou co apoio do conselleiro de industria Javier Guerra e o líder provincial do PP Rafael Louzán.
Na mesma xornada o BNG aproveitaba a celebración da feira en Chapela  para achegarse a esta parroquia a repartir información sobre “a necesidade de que os galego conten con representantes do Bloque en Madrid logo do 20N”. E foi a candidata ao congreso por Pontevedra do BNG, Olaia Fernández a encargada de trasladar esta información aos veciños da parroquia ademais de debater con algúns deles sobre a necesidade de que “as políticas económicas dean un xiro á esquerda”.
Na xornada de onte o Centro cultural de Reboreda acollía a celebración do VI congreso da formación política Fronte Popular Galega baixo o lema “Fronte a crise: alternativa comunista”. No encontro elixiuse a dirección do partido de cara os próximo catro anos, con presencia de tres veciños de Redondela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará