Hoxe é Mércores 28 de Outubro de 2020

Cecilia Pérez Orge “Os resultados foron malos, esperabamos mellorar os acadados hai catro anos”

RR_Noticias

A perda dun concelleiro por parte do BNG en Redondela supón un duro revés para os nacionalistas que quedan con tan só dous representantes na corporación. Entenden que a perda de apoios responde a un conxunto de factores que deberán analizar nos vindeiros días.

Os nacionalistas asumen a derrota electoral logo de ser un dos partidos máis prexudicados nas eleccións do 22M en Redondela. A candidatura que lideraba Pérez Orge lonxe de mellorar os resultados de hai catro anos sofre un descenso notable ao pasar de 1.912 votos a 1.642 o que se traduce na perda dun concelleiro. Á espera de facer unha análise máis exhaustiva entenden que o motivo desta perda de apoios responde a causas diversas: dende a propia diversificación do voto no concello por mor da presenza de novas forzas políticas de esquerda ata un problema de comunicación da propia formación “ao non saber trasladar á cidadanía o traballo feito no goberno”. Sobre un posible pacto electoral Pérez Orge entenden que se os partidos asumen o seu programa electoral vai ser moi difícil que se produza unha coalición a tres que impida un goberno do PP.

Entrevista a Cecilia Pérez Orge
A candidata do BNG analiza os resultados do 22M

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *