Hoxe é Venres 23 de Outubro de 2020

A SAR non se rende na recta final da liga

RR_Noticias

Quedan catro xornadas para rematar a liga da Primeira Nacional, e o equipo redondelán ten a salvación a cinco puntos. Matematicamente é posible, pero os de Javier Barrios xa non dependen de si mesmos para conseguilo, e precisan que fallen o Cisne ou o Toscaf. No club son conscientes de que o reto é “case imposible”, pero aseguran que traballarán duro “ata o final” para demostrarlle tamén o seu agradecemento á afección. A próxima cita será en Redondela co At.Novás.

Estamos na recta final da liga na Primeira Nacional do balonmán, quedan por diante catro finais para a SAR Peguform. O equipo redondelán, penúltimo na táboa, ten a salvación a cinco puntos, e aínda hai oito en xogo. Matematicamente a permanencia é posible, pero os de Javier Barrios xa non dependen de si mesmos para conseguilo. Precisan que, ademais, o Cisne ou o Toscaf sumen menos de tres puntos nas catro xornadas que restan. No club son conscientes de que o reto é “case imposible”, pero aseguran que traballarán duro “ata o final”, e que se perden a categoría non será por non loitar. O técnico, Javier Barrios, insiste en que a entrega do equipo “é total” e que o seu obxectivo é demostrarlle a toda afección o seu agradecemento polo apoio recibido esta temporada. A próxima cita será este sábado no Pavillón Municipal de Redondela, onde se medirán co At.Novás. O rival, na metade da táboa, practicamente non se xoga nada a estas alturas da liga, xa que ten asegurada a permanencia, e xa renunciaron á loito polos postos que dan acceso á fase de ascenso. Por iso podería ser un rival asequible para a SAR, xa que ven de facer unha segunda volta bastante irregular e chega a Redondela sen aspiracións. Pero Barrios non se fía, e agarda que non cheguen á bomboneira co obxectivo de “lavar a súa imaxe”. O obxectivo da SAR e gañar este partido na casa e logo ver os resultados dos rivais directos, coa esperanza poder recortar distancias.

Javier Barrios adestrador
O técnico recoñece as dificultades de acadar a salvación pero asegura que o tentarán ata o final.
SAR Peguform-Atl.Novás
O rival chega a Redondela sen xogarse nada nesta recta final da liga.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *