Hoxe é Venres 26 de Febreiro de 2021

O parlamentario popular Román Rodríguez informa en Redondela da Lei de augas

RR_Noticias

O PP local celebra esta reunión “ante as desinformacións vertidas por algúns colectivos e a inquedanza que se está a producir entre a poboación”. A cita será o mércores ás 20:30 horas no Multiusos da Xunqueira

O Partido Popular de Redondela organiza unha conferencia informativa sobre a recente Lei de Augas de Galicia “ante as desinformacións vertidas por algúns colectivos e o consecuente nerviosismo e a inquedanza que se está a producir entre a poboación”.
Por este motivo entenden que é o seu deber celebrar esta reunión dirixida polo deputado do Parlamento de Galicia, Román Rodríguez e convidan a todos os veciños a achegarse o mércores ás 20:30 horas para que “escoiten de primeira man o contido desta normativa podendo atender e resolver as súas dúbidas”.
Unha lei aprobada no pasado mes de novembro e que está a ser moi criticada dende o BNG, partido que iniciou en Redondela unha campaña informativa e de recollida de sinaturas contra esta normativa que ao entender do partido nacionalista ten como único obxectivo “aumentar a súa capacidade recadatoria cun ben de primeira necesidade”. Algunhas das críticas do BNG a dita lei é que amplía o canon da auga e de saneamento, co que practicamente todas as vivendas do rural deberán pagar un novo imposto, que de termo medio pode superar os cen euros anuais.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *