Hoxe é Sábado 24 de Outubro de 2020

A campaña Merca na rúa reparte en Redondela 3.000 euros en vales de compra

RR_Noticias

A iniciativa, posta en marcha pola Deputación de Pontevedra, desenvolverase no concello ata o vindeiro sábado 4 de decembro e sorteará entre os clientes do comercio local 24 vales de compra por valor de 100 euros e dous de 300.

Trátase dunha campaña de dinamización comercial que promove a reactivación do pequeno comercio segundo nos explicaba a coordinadora da oficina provincial de comercio, Alma Pérez xa que “os vales permitirán seguir investindo no propio comercio local” A carpa está xa instalada na praza de Figueroa e durante os vindeiros días repartirase entre os establecementos participantes material de promoción. Para poder participar nos sorteos, os consumidores deberán presentar os seus tickets de compra. O último día da campaña, o sábado día 4, realizarase o sorteo dos vales . Estra actividade de reactivación inclúe tamén unha oferta de animación lúdica coa instalación dunha carpa na que se desenvolverán actividades orientadas principalmente aos cativos. Con estas iniciativas búscase loitar contra a tendencia do consumidor de desprazarse aos centro comerciais e promover que se queden en Redondela a facer as súas compras no pequeno comercio “onde poden atopar toda a oferta que necesitan sen necesidade de se desprazar”.

Alma Pérez Coordinadora de comercio
Campaña de dinamización comercial
Promover o comercio local
O obxectivo é que o cliente non faga as compras fora do municipio

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *