Hoxe é Martes 20 de Outubro de 2020

Un programa de divulgación medioambiental recibe unha subvención estatal de 18.000 euros

RR_Noticias

A Concellería de Medio Ambiente investirá a achega económica procedente do Ministerio nun programa no que se inclúen diferentes actividades relacionadas coa divulgación da riqueza medioambiental do municipio. As actividades enmarcadas no proxecto están dirixidas principalmente á poboación escolar. Haberá tamén accións dirixidas ás comunidades de montes e á poboación en xeral.

O Ministerio de Ciencia e Tecnoloxía a través da Fundación Española para a Ciencia e a tecnoloxía (FECYT) ven de conceder unha subvención ao departamento de medio ambiente de Redondela para desenvolver un programa divulgativo sobre a riqueza medioambiental do municipio. O programa elaborado pola empresa Integra céntrase principalmente nos alumnos de secundaria, aínda que tamén haberá accións dirixidas as comunidades de montes e á poboación en xeral. O concelleiro de medio ambiente Carlos Pazos entende que con esta achega económica de 18.000 euros o Ministerio recoñece o traballo desenvolvido dende o seu departamento xa que “só se concedeu a subvención ao 5% dos proxectos presentados”. David Brown da empresa Integra explicaba que a principal actuación recollida no proxecto premiado está dirixida a poboación escolar, concretamente a alumnos dende primeiro de 1º de ESO a primeiro de bacharelato, quen nos vindeiros meses percorrerán os diferentes hábitats e ecosistemas da contorna. Ademais do traballo directo co alumnado no proxecto denominado “Biodiversidade aos teus pes” tamén se contemplan accións con profesorado co obxectivo de que os temas ambientais pasen a formar parte dos recursos formativos que se empregan na aula. O proxecto inclúe ademais da publicación de unidades didácticas, a elaboración dunha exposición itinerante sobre o patrimonio natural e unha xornada dirixida ás comunidade de montes, na que se abordarán as prácticas na xestión forestal e o uso e riqueza dos bosques de ribeira.

Carlos Pazos edil de Medio Ambiente
Unha achega que recoñece o traballo desenvolvido no ámbito medioambiental
David Brown empresa Integra
Actividades orientadas ao alumnado
Accións para o público en xeral
Unha exposición e unha xornada dirixida ás comunidades de montes completan o proxecto
Pili Araujo empresa Integra
Os comuneiros como coidadores dos habitats

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *