Hoxe é Sábado 28 de Novembro de 2020

Javier Bas aposta por un acordo político en defensa do territorio

RR_Noticias

O candidato do PP a Alcaldía de Redondela, Javier Bas Corugeira, confía en lograr a maioría absoluta nos próximos comicios municipais. Para iso contará cun equipo onde haberá caras novas pero no que estarán tamén algúns dos actuais integrantes do grupo municipal.

O candidato do PP á alcaldía de Redondela amósase confiado no seu futuro político a pesar de carecer de experiencia neste campo. Asegura que a súa candidatura está apoiada nun “gran equipo” que está a traballar arreo para conformar un programa “no que se recollan as demandas dos veciños e as necesidades de todas as parroquias”. Para iso conta cun “grupo unido” palabras que emprega para rexeitar categoricamente que no seo do grupo popular local exista división interna, a pesar de que algún ruxe-ruxe si o apuntara logo da marcha de Francisca Canal. A través do traballo de campo, Bas está a recoller as demandas e carencias das diferentes parroquias e apunta algúns dos temas principias que van centrar o seu programa electoral: construír un polígono industrial, crear unha rede de transporte interparroquial eficaz e potenciar o turismo no municipio. En canto as infraestruturas viarias aposta pola A-57 e a súa conexión con Peinador a través da variante 11 en detrimento da A-59 (Pontevedra-Vigo) e defende que se paralice a ampliación da AP-9.  Anuncia que proporá e promoverá a unión de partidos políticos e asociacións veciñais para crear un proxecto conxunto en defensa do territorio A súa meta é acadar a maioría absoluta para dar o relevo a un goberno bipartito que fixo “que Redondela perdera 25 anos respecto doutros concellos limítrofes que si souberon avanzar”.

Javier Bas candidato do PP
Un equipo unido e un partido sen fisuras
Un acordo pola defensa do territorio
O PP aposta por paralizar a A-59 e a ampliación da AP-9
Críticas á xestión do bipartito
Bas asegura que Redondela ten os mesmos problemas que hai 25 anos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *