Hoxe é Domingo 25 de Outubro de 2020

Radio Redondela reparte dez entradas dobres para os concertos da fin de semana en San Simón

RR_Noticias

As persoas interesadas en achegarse á actuación do grupo Ensemble Oni Wytars o sábado ás sete da tarde ou á actuación de La Cecchina o domingo poden facerse cunha entrada gratuíta para dúas persoas chamando ao teléfono da Radio Municipal, 986 40 8139.

A illa de San Simón acollerá esta fin de semana dous novos concertos enmarcados dentro do ciclo Espazos Sonoros. O primeiro dos concertos será o sábado ás 19:00 horas a cargo do grupo Ensemble Oni Wytars quen presentará o seu espectáculo Mediterraneum, un programa que lle ofrece ao ouvinte unha pasaxe por músicas de diferentes épocas tomando sempre como referencia e argumento o mar Mediterráneo. O domingo a quenda será para La Cecchina, grupo que se subirá ao escenario xunto coa soprano Ana Arnaz e que ofrecerá un repertorio que intenta recrear a través da música a Florencia do renacemento. Para poder gozar dalgúns destes exclusivos concertos poden retirar os seus billetes para o transporte á illa no servizo de compra on-line Servinova. O custe do traslado é de dez euros. Tamén poden facerse con algunhas das dez entradas dobres coas que a Radio Municipal en colaboración coa Fundación Illa de San Simón agasalla aos seus oíntes. As saídas dos barcos realizaranse dende o porto de Cesantes, a primeira das saídas terá lugar ás 17:45 e a segunda ás 18:30 horas.

Xavier Alonso Xerente da Fundación
Oni Wytars
La Cecchina
A soprano Ana Arnaz acompañará ao grupo no concerto do domingo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *