O equipo redondelán impúsoxe por 29 goles a 27 nun encontro de máxima rivalidade disputado na bomboneira. Pero sorte correu o equipo de Chapela. O Paraxe Construcciones non foi quen de gañar aos seus rivais, o Mecalia Novás.
A Sar impúxose ao Cinco Jotas de lavadores nun encontro axustado e de tremenda rivalidade disputado no pavillón de Redondela. O equipo local mantivo a iniciativa durante case todo o encontro o que lles valeu a vitoria nun partido que rematou co resultado de 29 goles a 27 a favor da Sar. No cadro redondelán destacou o xogo do internacional búlgaro, Vladkov autor de nove goles e esencial no triunfo do conxunto local que deste xeito suma a súa primeira vitoria na presente tempada.
Na vindeira semana o equipo que patrocina Peguform desprázase ao campo do Calvo Xiria onde tentará seguir sumando puntos e subindo na categoría, onde agora ocupan o decimoprimeiro posto
Cambiáronse as tornas e o Chapela, que xogaba na casa, non foi quen de gañar aos seus rivais, o Mecalia Novas.
O equipo visitante foi moi superior aos homes de Fran Teixeira, quen a pesar de conseguir unha pequena vantaxe nos primeiros minutos de partido, non foron quen de manter o nivel marcado polo Novas.
O encontro rematou cun marcador de 25 goles a 30, o que sitúa no segundo posto da táboa mentres que so de Chapela se manteñen no quinto posto.
Na vindeira semana repiten rival difícil, o Paraxe Construcciones desprázase a Asturias para xogar co terceiro da categoría, o Gijón.
