Hoxe é Venres 30 de Outubro de 2020

O Peguform SAR viaxa á pista do Zamora co obxectivo de traer os dous puntos

RR_Noticias

Os xogadores de Domingo Da Cunha comezaron a liga co lastre das baixas, o que obriga ó equipo a un maior esforzo fisico. Con todo, o adestrador confía na calidade do equipo e aspira a acadar un resultado positivo diante do Zamora despois de sumar un empate e unha derrota nas dúas primeiras xornadas.

O Peguform SAR comezou a liga na Coruña colleitando un empate na pista do OAR despois de ir por diante no marcador ata o último minuto. Na estrea na casa, o pasado sábado diante do Lalín, desaproveitaron a ocasión de acadar a súa primeira vitoria nos últimos minutos. O cansazo dos xogadores de Redondela ao final do partido permitiu ós de Lalín darlle a volta ó marcador. A explicación destes resultados está moi clara para o técnico, Domingo Da Cunha, que acusa “as importantes baixas” no equipo nesta temporada. Os xogadores non poden manter o nivel fisicamente e nos últimos minutos do partido o rendemento baixa. A solución pasa por acadar “algún reforzo”, cuestión na que xa está a traballar o club, e agardar a recuperación de homes importantes como o lateral Polaco, lesionado cunha tendinite. Con todo, o adestrador confía na calidade do seu equipo, con xogadores de calidade, á altura “de calquera equipo da categoría”, e confía en acadar un resultado positivo en Zamora, equipo que actualmente está un posto por debaixo dos redondeláns. A cita é o sábado no Polideportivo Manuel Camba a partir das 18.00 horas.

Domingo Da Cunha adestrador
As baixas obrigan ó equipo a facer un maior esforzo físico
Zamora-Peguform SAR
Da Cunha confía en traer un resultado positivo de Zamora

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *