Hoxe é Sábado 24 de Outubro de 2020

Martínez Crespo chama a protexer o baile das Penlas como patrimonio inmaterial

RR_Noticias

O historiador redondelán José Martínez Crespo é responsable dos textos que acompañan á exposición “A Coca en 1.000 imaxes” que ata o vindeiro 19 de xuño se pode visitar no Multiusos da Xunqueira.

Coñecedor da tradición local así como das lendas e elementos que conforman as Festas da Coca, José Martínez Crespo fai un chamamento á necesidade de protexer o baile das Penlas “un patrimonio galego inmaterial cuxas orixes están documentadas dende o século IX aínda que en Redondela os seus inicios dátanse no S. XVI”. Responsable dos traxes que locen as Penlas -confeccionados por Margot Araujo en base aos deseños de Crespo- é ademais un apaixonado destas celebracións do Corpus como o demostra a documentación que recompila no catálogo da exposición que estes días se pode visitar no Multiusos, un pequeno libro que reúne lendas e numerosos escritos a propósito da Coca realizados por escritores como Cunqueiro ou Celso Emilio Ferreiro así como polo propio Crespo. A exposición, que abre as festas, reúne fotografías de máis de cen anos de este singular dragón: reproduccións en cerámica, madeira, barro, así como aparicións en publicidade, obra pública, ilustracións, carteis, programas de festas, audiovisuais…. Unha imaxes que testemuñan ata que punto a Coca é “figura fundamental da nosa identidade”.

José Martinez Crespo historiador
A danza das Penlas patrimonio inmaterial
A Coca en 1000 imaxes
Unha figura fundamental da nosa identidade

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *