Hoxe é Sábado 31 de Outubro de 2020

A Confraría de Redondela denuncia un vertido de gasóleo xunto ao peirao de Cesantes

RR_Noticias

O derrame de combustible afecta a unha zona próxima a lonxa, e supón un grave prexuízo para o areal e os bancos marisqueiros. O Patrón Maior, Clemente Bastos, insta ás autoridades a abrir unha investigación para depurar responsabilidades.

O pósito redondelán denunciou no Servizo de Protección da Natureza da Garda Civil (Seprona), un vertido de combustible na praia de Cesantes. O Patrón Maior da Confraría, Clemente Bastos, advertiu tamén á Policía Local e a Portuaria para tomar mostras deste vertido. A contaminación produciuse ademais nunha zona moi sensible, xa que afecta ó areal e nas zonas marisqueiras próximas, co conseguinte prexuízo económico para os traballadores do sector. Clemente Bastos insta ás autoridades a abrir unha investigación “para determinar de onde procede o vertido” e depurar responsabilidades. Bastos engade que este tipo de vertidos contaminantes “poñen en perigo o medio de vida de moitas familias” que dependen da pesca e o marisqueo na zona. Ademais a Confraría leva anos facendo traballos de repoboación con cría de ameixa para rexenerar os bancos marisqueiros da enseada de San Simón, onde contan con varios viveiros, e estes vertidos ameazan a súa viabilidade.  

Clemente Bastos Patrón Maior
A Confraría agarda que se determine a orixe do vertido
Afectados
Centos de familias sofren os prexuízos da contaminación na ría.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *