Hoxe é Luns 23 de Novembro de 2020

A corporación reducirá o seu salario en consonancia coa rebaixa do 5% aos funcionarios

RR_Noticias

O alcalde Xaime Rei confirmou que os membros da corporación municipal asumirán un recorte nos seus honorarios en consonancia coa rebaixa que afectará aos funcionarios. Esperarán a coñecer o decreto que regulará o recorte salarial para aplicar a medida

A corporación municipal reducirá o seu salario en consonancia coa rebaixa do 5%
que afectará aos funcionarios.
Así o confirmou o alcalde de Redondela Xaime Rei, quen asegurou que asumirán a rebaixa do 5% nos seus salarios en consonancia coa reducción que van sufrir os soldos dos funcionarios logo do axuste anunciado polo presidente do goberno, José Luis Rodríguez Zapatero a pasada semana.
Con todo, o rexedor local apuntou que esperarán a que o Consello de Ministros aprobe  o decreto que deberá regular esa rebaixa por tramos, definindo así qué porcentaxe debe aplicarse a cada caso. Unha vez se coñeza o contido de dito decreto aplicarase o recorte na corporación dependendo dos honorarios que recibe cada cargo político.
Rei apuntou que a decisión de reducir os salarios dos políticos é unha decisión que adoptarán de “xeito voluntario” e como un xesto ante a opinión pública, aínda que as medidas de axuste anunciadas por Zapatero non regulan un recorte nos salarios dos políticos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *