O Cemiterio dos Eidos acolle este mércores ás 20:30 horas un acto homenaxe organizado polas Xuventudes Socialistas de Redondela. Asistirá a portavoz do PSOE no Senado, Carmela Silva
No acto homenaxe a Alejandro Otero Fernández (1889-1953), que comezará ás 20:30 horas no cemiterio de Os Eidos, intervirá a portavoz do PSOE no senado Carmela Silva e o secretario xeral das Xuventudes socialistas de Redondela, Isaac Araujo
Con este acto quérese lembrar a este médico redondelán militante do PSOE e da UXT. A súa actividade política levouno a ser elixido concelleiro en Granada e deputado por Pontevedra no ano 31 nas Cortes Constituíntes da II República. Foi detido durante dous meses no ano 1934 e posteriormente co estalido da guerra civil foi nomeado subsecretario de armamento ao servizo do goberno lexítimo republicano.
Ao remate da guerra civil exiliouse a México formando parte do goberno republicano no exilio.
Actualmente os seus restos xacen no panteón familiar do cemiterio dos Eidos de Redondela.
