Hoxe é Domingo 28 de Febreiro de 2021

Proxección das curtametraxes “A rosa dos ventos” e “Amelia e as sereas”

RR_Noticias

As proxeccións, que comezarán ás 20:00 horas do venres no Multiusos, durarán 35 minutos e ao remate abrirase un coloquio, no que participarán a actriz Belén Constenla, quen ven de recibir o premio María Casares á mellor actrir protagonista pola súa interpretación na obra “O segredo dos Hoffman”, e o director Jairo Iglesias. Participará tamén no debate o actor e titiriteiro Eduardo Rodríguez ” Tatán”.

As Concellarías de Normalización Lingüística, Servizos Sociais e Igualdade organizan a proxección de 2 curtametraxes en galego: “A rosa dos ventos” e “Amelia e as sereas” a través das cales o público poderase achegar ao cine feito en Galicia e ás vidas de mulleres da nosa terra.
Esta actividade é de entrada libre e gratuíta,  e vai dirixida tanto a rapaces e rapazas maiores de 7 anos coma á mocidade local, e a toda a poboación redondelá que teña interese en ver cinema en galego de calidade. Trátase da segunda sesión de cine de muller, iniciada no mes de marzo, e enmárcase tamén dentro das proxeccións de cinema galego organizadas para o alumnado de secundaria neste mes, promovidas polo Servizo de Normalización Lingüística.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *