Hoxe é Martes 29 de Novembro de 2022
Stations
NOTHING FOUND!
Current listeners: 
Peak listeners: 

A saúde e o emprego centran os novos obradoiros da concellería de Servizos Sociais

RR_Noticias

Mellorar a nosa saúde a través da arte e a comunicación e proporcionarlle aos parados os medios para poder atopar emprego son os obxectivos destes dous cursos que comezarán a partir do vinte de abril e até o mes de xuño.

A vindeira semana o departamento que dirixe a nacionalista Rosa Costas pon en marcha un obradoiro de Formación para o emprego co obxectivo de facilitarlle aos desempregados as ferramentas precisas para atopar traballo e un curso de Arte para a Saúde, no que os asistentes aprenderán a mellorar o seu estado de saúde e benestar a través do diálogo e as técnicas plásticas.
O obradoiro de Formación para o emprego comezará o día 20 de abril e prolongarase ata o mes de xuño. Dúas sesións semanais nas que se afondará nas capacidades e habilidades precisas para a procura eficaz dun emprego, potenciando o crecemento e a proxección social de cada persoa. O obradoiro impartirase no Multiusos da Xunqueira os martes e xoves de 10.00 a 11.30 horas. Para inscribirse poden chamar ao número de teléfono do CIM 986 40 80 43 ou na Concellería de Servizos Socias.
Arte para a Saúde
Potenciar o estado de saúde e o benestar das persoas a través do traballo creativo é un dos obxectivos do obradoiro Arte para a Saúde que comezará o vindeiro xoves, día 22, e prolongarase até o 24 de xuño. Os participantes aprenderán durante dous meses a desenvolver a súa autoestima e capacidade de expresión e experimentarán con distintas técnicas plásticas, como a pintura, o debuxo e o modelado como ferramentas para mellorar a nosa saúde. No obradoiro tamén se promoverán espazos de diálogo e encontro. O curso impartirase todos os xoves de 16,30 a 18,30 horas, na Asociación de Mulleres Agarimo de Chapela. Para inscribirse deben facelo no local da asociación, sito na Rúa Manuel Rodríguez 1, baixo, ou no número de teléfono 679749987.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará