Hoxe é Domingo 28 de Febreiro de 2021

Axudas ás confrarías de Redondela e Soutomaior

RR_Noticias

As achegas concedidas pola Deputación irán destinadas á reparación de edificios, execución de labores de vixilancia e compra de mobiliario para as instalacións dos pósitos
 

A comisión informativa de Pesca e Asuntos Mariños da Deputación de Pontevedra acordou resolver favorablemente o pasado 20 de xaneiro o reparto de axudas económicas ás confrarías, federación provincial e asociacións de confrarías da provincia para o ano 2010.
Entre as confrarías beneficiadas atopamos a de San Xoán de Redondela e a de Virxe do Carme de Soutomaior. No caso da confraría de pescadores de Redondela, con preto de 500 asociados,procederá á reparación dos seus edificios sociais e á adquisición de equipamento tanto para os inmobles da loxa como para execución das labores de vixilancia. A achega que recibirá a confraría de Arcade empregarase para a compra de mobiliario para os vestiarios de mariscadores a flote, dos que se beneficiarán preto de 200 usuarios
Tamén se beneficiarán destas subvención a Confraría de Pescadores Santa Tecla (A Guarda), as de San Francisco (Vigo), e a Federación provincial de confrarías de pescadores de Pontevedra que recibirán de mans da Deputación Provincial de Pontevedra unha axuda económica que ascende, en total, case ós 30.000 euros.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *