Hoxe é Domingo 25 de Outubro de 2020

Os Bolechas sóbense esta tarde ao escenario

RR_Noticias

Caramuxo teatro presenta ás 18:00 horas no Multiusos o gran éxito editorial galego, Os Bolechas, unha comedia musical con monicreques.

Un espectáculo que nos amosará un día na vida desta divertida familia, onde coñeceremos as ocorrencias do pequeno Tatá, as travesuras de Chispa, a Braulio e Sonia, as xemelgas Pili e Loli, e a Carlos, o máis vello dos irmáns. O texto está creado en colaboración entre a compañía e o autor de Os Bolechas, Pepe Carreiro e chega acompañado dunha banda sonora creada pola compañía e realizada por músicos da Xoven Orquestra Sinfónica de Galicia. Inclúe partes musicais cantadas e outras melodías que buscan crear diferentes ambientes na escena. E o máis importante, os bonecos do espectáculo tipo Muppets tallados en gomaescuma e os actores Xosé Manuel Esperante, Laura Sarasola e Juan Rodríguez. Unha obra que os integrantes de Caramuxo decidiron levar ao teatro logo de comprobar o éxito que os personaxes de Carreiro tiñan entre os cativos A representación será esta tarde ás 18:00 horas no Multiusos dentro da programación do Nadal Cultural da Concellería de Cultura.

Laura Sarasola actriz
Caramuxo decide adaptar o éxito literario de Carreiro

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *