Hoxe é Sábado 31 de Outubro de 2020

Medio Ambiente convida aos veciños a participar nunha enquisa sobre a Axenda 21

RR_Noticias

Unha caixa de suxestións no Multiusos da Xunqueira recollerá, ata finais de xaneiro, as propostas dos cidadáns en torno ao urbanismo, a mobilidade, a xestión de recursos naturais ou a participación na vida municipal.

A Concellería de Medio Ambiente organiza unha exposición integrada por varios paneis que pode visitarse ata finais do vindeiro mes de xaneiro. Na mostra faise un percorrido polos problemas identificados no noso municipio dentro da Axenda 21 local así como as medidas postas en marcha dende o concello de cara a paliar ou diminuír as problemáticas identificadas. Nesta axenda proponse traballar en varias liñas estratéxicas: o urbanismo sostible, a mobilidade, a xestión de recursos naturais, o apoio aos diferentes sectores produtivos e unha participación maior da cidadanía nas decisións adoptadas dende as Administracións. Na exposición, ademais de resumir os problemas identificados, fálase tamén de diferentes medidas adoptadas dende a Concellería como actuacións puntuais na zona da praia de Cesantes ou referidas á mobilidade nos centros urbanos de Chapela e Redondela. Con todo, a parte máis destacable da exposición é unha caixa de suxestións na que os cidadáns poden deixar as súas opinións e propostas en torno aos temas abordados pola Axenda 21 así como avaliar o feito no municipio no último quinquenio. A empresa Integra, encargada de asesorar ao concello no desenvolvemento da Axenda Local, ocuparase de analizar as enquisas, sacar conclusións en base ao expresado polos veciños e propoñer diferentes liñas de actuación que dean resposta as preocupacións formuladas. A exposición que estará ata finais de xaneiro no Multiusos da Xunqueira, desprazarase a continuación ao Multiusos do Piñeiral en Chapela e posteriormente a outras parroquias do municipio. Medio Ambiente prevé ademais desenvolver outras actividades como xornadas participativas nos IES do Concello, unha páxina web interactiva e un foro de participación sobre os recursos naturais.

Pili Araujo empresa Integra
Son varias as liñas de acción nas que se está a traballar
Caixa de suxestións
Os veciños podes aportar as sáus propostas queixas ou demandas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *