Hoxe é Sábado 28 de Novembro de 2020

Seis corais do municipio protagonizan a primeira das citas do Nadal Cultural

RR_Noticias

Ás 21:00 horas de hoxe actúan as agrupacións de Santo Estevo de Negros, a Coral Alvedosa do Centro da 3ª idade e a Coral Frol Nova de Chapela  

O festival de corais, primeira das citas incluídas dentro da programación do Nadal Cultural, dará comezo hoxe ás 21.00 horas no Multiusos coa actuación das corais de San Esteban de Negros, a Coral Alvedosa do Centro da 3ª Idade de Redondela e a  Coral Frol Nova de Chapela. O encontro de corais redondelás continuará mañá sábado, a partir das 20.00 horas, coa actuación da Coral O Piñeiral de Chapela, a Coral Santiago Apóstol e a Coral Pedra Branca de Cesantes. Un certame enmarcado dentro da programación de Nadal deste ano que pon en marcha a Concellería de Cultura e que inclúe como novidade principal o Pequeteatro, un programa de teatro infantil por onde pasarán as compañías Teatro del Andamio, Sarabela Teatro e Caramuxo teatro quen porán en escenas as obras “Pingueiras e tarteiras”, “Cósima” e “Os Bolechas”. As representacións serán os días 26, 29 e 30 de decembro as seis da tarde no Multiusos da Xunqueira. Deste xeito o departamento que dirixe Eduardo Reguera quere achegar a arte escénica a outros públicos unha vez que os adultos xa teñen os seus espacios coas obras incluídas no Teatrarte e no Teafecciona. Orientada tamén para o público familiar haberá cine coas proxeccións de dúas películas de animación “up” o día 21 e “Bolt” o 22 de decembro. Tamén o teatro experimental ten o seu oco no Nadal Cultural será coa obra “Alambradas” a cargo da Compañía de David Fernández Rivera. Unha proposta onde se dan cita a danza, a música, o deseño escenográfico e de iluminación e a palabra. Unha representación o mércores 16 de decembro ás 20:00 horas no Multiusos.

Eduardo Reguera
A primeria das citas é de carácter musical
Teatro música e cine
O nadal Cultural inclúe un total de 16 actividades

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *