www.radioredondela.com Hoxe é Sábado, 19 de Setembro de 2020


Política • 10/09/2020

Máis de dez días para conseguir unha receita médica, atención exclusivamente telefónica, imposibilidade de entrar no centro de saúde. Estas son algunhas das deficiencias que denunciaron o cento de persoas que se concentrou esta tarde no acto convocado polo BNG ás portas do Centro de Saúde de Chapela para reivindicar unha atención de calidade. Esta é a segunda, das mobilizacións que os nacionalistas celebraron en Redondela e anuncian que os actos reivindicativos continuarán nas vindeiras semanas en toda a comarca.


Sociedade • 10/09/2020

Os centros de ensino secundario e formación profesional de Redondela (IES Chapela, Mendiño, Pedro Floriani e Illa San Simón) veñen de solicitar á Xunta o adiamento no inicio do curso escolar. Explican que a menos dunha semana do inicio das clases, previsto para o mércores 16 de setembro, carecen de información real sobre o número de aulas e grupos en cada un dos centros nin coñecen o número de profesorado co que contarán para se organizar neste curso 2020-2021. Datos que precisan para poder organizar o reparto do alumnado e garantir na medida do posible a súa seguridade. Ante esta situación solicitan adiar o inicio do curso ata o día 23 de setembro.


Institucional • 10/09/2020

A Concelleira de ensino, Olga García fala dun "esforzo económico importante" por parte do Concello para garantir a limpeza dos centros coa contratación de catro persoas a maiores das que xa realizan este traballos de limpeza habitualmente. Un curso que arrancaba hoxe sen incidencias, con horarios graduais para evitar as aglomeracións ás portas dos colexios e medidas que buscan evitar que pais e nais entren nos centros entregando aos rapaces na entrada dos recintos.


Institucional • 10/09/2020

A alcaldesa Digna Rivas e o concelleiro Alberto Álvarez percorreron a ruta que antes cubría a liña 28 de Vitrasa, e que hoxe realiza Autos González, con representantes das AAVV de Cabeiro, San Esteban de Negros, Vilar de Infesta, Trasmañó e Chapela. o obxectivo é analizar as melloras que se poidan aplicar no percorrido, paradas e horarios para favorecer a mobilidade interparroquial.


Política • 10/09/2020

A sanidade pública de Soutomaior atravesa nestes momentos unha das situacións máis dramáticas nunca padecidas, explican dende o Bloque, xa que ademais da masificación do centro, das interrupcións no servizo de pediatría e do peche do consultorio de Romariz, o Sergas decidiu no día de onte non cubrir as baixas de dous médicos e unha enfermeira. Na iniciativa parlamentariaesixen a contratación de máis médicos, a apertura dos consultorios de Romariz e Ponte Sampaio e a dotación dos centros de saúde de material e recursos.




Novas Anteriores:
primeiraanterior [4] [5] [6] [7] [8]seguinteultima
Buscar:
en radioredondela.com en Google
Axenda

<< Set 2020 >>
LMMXVSD
 123456
78910111213
14151617181920
21222324252627
282930    

Próximos Eventos...
Luns, 21 de Setembro de 2020 - 12:00
Suvbencións: Igualdade
Os colectivos que organicen actividades de promoción da muller e a igualdade teñen de prazo para solicitar as axudas municipais ata o 21 de setembro. Máis información na páxina www.redondela.gal
Domingo, 27 de Setembro de 2020 - 12:00
Axudas comedor escolar
As persoas interesadas en solicitar as axudas de comedor escolar para nenos escolarizados en centros público do municipio teñen de prazo ara o 27 de setembro. Máis información na páxina web www.redondela.gal
Venres, 30 de Outubro de 2020 - 12:00
Axudas polo Covid
O Concello ten aberto ata o 30 de outubro o prazo de presentación de solicitudes para acceder ás axudas sociais orientadas a familias que se viran afectadas polo COVID-19. Máis información en www.redondela.gal
Hoxe na Radio
11:00 - A música da túa vida
12:00 - 18 Rodas
23:00 - Tempo de Jazz