www.radioredondela.com Hoxe é Venres, 29 de Maio de 2020


Sociedade • 20/05/2020

Mamparas de metacrilato, ampliar a separación entre as mesas ou menus dixitalizados, son algunhas das medidas que valoran os hostaleiros que maioritariamente comezarán a abrir as súas portas a partir do vindeiro luns. O obxectivo é garantir un entorno seguro aos seus clientes e cumprir as normativas sanitarias impostas polo coronavirus. Hai preocupación entre os hostaleiros de Redondela polo custe económico que supoñen todas estas medidas, pero tamén confianza en que os clientes regresen aos bares, sobre todo neste período que permite o uso de terrazas.


Sociedade • 20/05/2020

Reclaman abrir as súas portas de xeito inmediato ante o deterioro metal e físico que están a sufrir os seus usuarios neste confinamento. Sen data fixa para o regreso á actividade, a Plataforma de Centros de Día traballa coa Xunta na elaboración de protocolos para que a reapertura sexa segura tanto para os usuarios como para os profesionais. Para iso, apostan por un regreso gradual, con protocolos de actuación tanto no transporte, como nos centros e actividades. Ademais da medición de temperatura e probas PCR para todos.


Institucional • 20/05/2020

Dezaoito comercios de Soutomaior están xa a vender os seus produtos a través da plataforma dixital www.comprarengalicia.es. Produtos de alimentación, papelería, fogar, hixiene, deporte, roupa ou tecnoloxía, que se poden adquirir comodamente dende a casa e coa posibilidade de recollelos nos establecementos ou recibilos a domicilio. Unha iniciativa, na que o concello paga o 90% dos gastos da plataforma, co fin de apoiar ao comercio de proximidade nun momento de crise por mor da pandemia.


Sociedade • 19/05/2020

A Concellería de Medio Ambiente aínda non ten nada decidido sobre como será o acceso aos areais de Cesantes, Chapela e Rande. Están á espera de que lle cheguen as directrices marcadas pola Xunta de Galicia para tomar algunha decisión e estudar os protocolos de cara a abrir a tempada de praias. En todo caso descartan o sistema de "parcelación" que si están valorando noutras localidades costeiras. Mentres a cidadanía amosa a súa incerteza de cómo vai ser este verán que xa se fai sentir no meteorolóxico, dende a Policía Local lembran que polo de agora está prohibido o uso das praias polos bañistas á espera de que entre en vigor a segunda fase da desescalada, previsiblemente o 25 de maio.


Cultura • 19/05/2020

Redondela non contará este ano coa tradicional festa da Coca que debía celebrarse en torno ao xoves do Corpus, día 11 de xuño. Non haberá nin alfombras florais nas rúas nin actos relixiosos "porque a actual situación non permite a celebración de actividades multitudinarias que poderían ser un risco para a saúde". Dende Cultura animan á veciñanza a confeccionar, nos seus domicilios, alfombras florais para difundilas polas redes sociais.




Novas Anteriores:
primeiraanterior [4] [5] [6] [7] [8]seguinteultima
Buscar:
en radioredondela.com en Google
Axenda

<< Mai 2020 >>
LMMXVSD
    123
45678910
11121314151617
18192021222324
25262728293031

Próximos Eventos...
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia