www.radioredondela.com Hoxe é Venres, 10 de Abril de 2020


Sucesos • 9/04/2020

Arranca unha Semana Santa atípica na que será preciso quedar na casa para evitar a propagación do virus. Cun foco importante de positivos por coronavirus en Redondela compre extremar as precaucións e cumprir as pautas marcadas polo Estado de Alarma. Ademais dende a Policía Local lembran que se incrementarán os controis nas estradas para evitar os desprazamentos innecesarios. Na xornada de onte denunciáronse seis condutores por incumprir o confinamento.


Sucesos • 8/04/2020

O Centro Residencial de Cesantes mantén a raia ao coronavirus: sen contaxiados nin entre os residentes nin tampouco entre os traballadores. Unha situación máis preocupante é a que presenta o Centro para discapacitados de Chapela con 30 usuarios e vinte traballadores contaxiados. Todos eles, segundo informou a alcaldesa, están controlados e illados. No concello descoñécese o dato en canto a número de infectados ao estar esta información englobada no total de contaxiados en toda a área de Vigo.


Política • 8/04/2020

Dende que comezara o Estado de Alarma, dende o Concello de Redondela téñense emitidos diferentes bandos e adoptado numerosas medidas que buscan informar e paliar, na medida do posible, os efectos que esta situacións está a ter entre a veciñanza. Con todo, a alcaldesa ten a vista posta "no que virá despois" porque entenden "é deber do goberno local traballar para que, unha vez superado o confinamento, a administración local estea en disposición de garantir as necesidades de todos os veciños".


Cultura • 8/04/2020

O alongamento do estado de alarma e a presumible prohibición posterior de aglomeracións de público, fan imposible a celebración destas dúas festas multitudinarias, polo que o goberno local vén de anunciar a súa suspensión. Caen así do calendarios dúas celebracións de referencia no municipio como son as festas do Choco e Os Maios e que "por motivos obvios" non poden ser aprazadas.


Política • 8/04/2020

Digna Rivas anunciaba este martes a través das redes sociais a súa decisión de doar parte do seu soldo correspondente a este mes de abril ao Instituto de Saúde Carlos III para impulsar os proxectos de investigación sobre o coronavirus. Dende o PP local anunciaron tamén que doarán o 30% das súas retribucións para a loita contra o Covid-19. Sumándose así os edís de Redondela ao xesto asumido polos Deputados nacionais, autonómicos e provinciais do PP.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Abr 2020 >>
LMMXVSD
  12345
6789101112
13141516171819
20212223242526
27282930   

Próximos Eventos...
Domingo, 12 de Abril de 2020 - 12:00
Doazón de sangue
Desde o luns 23 todas as persoas que desexan doar sangue deberán chamar ao ttf gratuíto 900 100 828, xa que se comezara a doar sangue mediante o sistema de CITA PREVIA para facilitar o acceso dos doantes e respectar as medidas de confinamento.
Xoves, 30 de Abril de 2020 - 12:00
Teléfono aberto
Entra en funcionamento o 986 401713, operativo para todos aqueles que o precisen. Un servizo de "escoita activa" promovido polo Concello en colaboración coa Cruz Vermella de Redondela, que estará operativo de luns a venres en horario de 9:00 a 14:00h.
Xoves, 30 de Abril de 2020 - 12:00
Álbum de lembranzas
Participación cidadá convida a veciñanza a crear un álbum de debuxos, fotografías, escritos ou calquera outro material creado nesta etapa de confinamento e que poida ser subido á páxina web do concello. Envíos a quefacerenredondela@redondela.gal
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia