O multiúsos de Arcade acolle este mércores 28 ás 20:00h. a presentación do libro Crónicas Trasatlánticas. De cinza e sal” Un acto que contará coa presenza do autor, Bieto Alonso, e da xornalista, María Obelleiro.
Un libro no que o autor recolle historias de emigrantes, crónicas de persoas que acordaron abandonar o territorio de orixe e instalarse, por máis ou menos tempo, nos lugares de acollida. Foron traballadores, apenas cualificados, que exerceron a súa ocupación laboral en condicións de grande dureza. Este libro céntrase na historia dos traballadores marítimos, algúns dos cales chegou aexecer como sindicalistas e cuxa memoria foi esquecida.
Alonso falará da obra e das historias deses emigrantes cuxas vidas apenas contan nas historias dos xornais, nas análises académicas ou na experiencia compartida dos traballadores cualificados. Ao cabo, di “non eran máis que seres de abaixo, emigrantes e marxinais”.
