O Multiúsos da Xunqueira acolle este sábado 10 ás 18:00 horas a inauguración da mostra pictórica dos artistas plásticos locais Bea Blanco e Xaçobe Pérez. Unha actividade organizada pola plataforma cultural SinhaPaca e o concello de Redondela. Poderá visitarse ata o 31 de decembro en horario de mañá e tarde e ao longo dos vinte días da mostra realizaranse intervencións espontáneas dos artistas pintando en directo para o deleite do público.
A inauguración de mañá contará con música en directo a cargo dos músicos locais Daniel Pazos e David Figueiral quen amenizaran o encontro con pezas instrumentais de jazz para ambientar o acto, e todo acompañado cuns pitiscos para as persoas asistentes.
