Hoxe é Mércores 28 de Outubro de 2020

A ANPA do Mendiño alerta de que parte do seu alumnado quedará sen autobús escolar

RR_Noticias

O protocolo da Xunta para o vindeiro curso xa provocou a convocatoria de protestas por parte dos sindicatos porque aseguran non se garante a seguridade nin para os alumnos nin para o profesorado. No mesmo sentido se manifestan dende a ANPA do IES Mendiño de Redondela que amosan a súa indignación porque ese protocolo manteña o ratio de alumnos por clase e non contemple a contratación de máis profesorado. Outro dos temas que máis preocupan é o transporte escolar “porque pensamos que moitos rapaces das parroquias quedaran sen ese servizo”. As ANPAs están convocadas a unha reunión Concellería de ensino este mércores ás 12:00 horas.

O malestar na comunidade educativa é xeneralizado logo de coñecer a semana pasada un protocolo de actuación para un curso que previsiblemente arrancará o próximo 10 de setembro. Critican que se manteña o rato ide alumnos por clase que permanecería en 25 (sen contar aos repetidores) malia a recomendación do Ministerio de rebaixalo a 15 e tampouco contempla a contratación de máis profesorado “malia esixirlle que ademais das súas tarefas educativas realicen labores de desinfección e control” explica o presidente da Anpa do Mendiño, Anxo Lusquiños.
Un centro que alerta tamén dos problemas no transporte, xa que se aplicará a norma que impide ao alumnado de bacharelato usar eses autobuses, algo que ata o de agora viñan facendo malia non estar contemplado na normativa. Pero aseguran que as restricións poderían afectar tamén a alumnos de ESO, cuxas apradas máis próximas ao centro poderían ser eliminadas para evitar as aglomeracións nos autobuses.
Indignados pola falta de previsión e de medidas de cara un curso que vai arrancar a principios de setembro e que non contempla, ao entender das Asociacións de Pais e nais, as medidas necesarias para garantir a seguridade sanitaria non descartan mobilizarse. Con todo, o primeiro paso será reunise este mércores ás 12:00 horas coa responsable da Concellería de Ensino, Olga García, para valorar tamén alternativas ante as problemáticas que deberán afrontar os centros.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *