Hoxe é Martes 20 de Outubro de 2020

O Choco rende homenaxe ao ex xogador Carlos Muíños “Dula” no partido ante o Racing Ferrol

RR_Noticias

O club organizou unha xornada de homenaxe para o que fora xogador do C.D. Choco e tamén do Ferrol. O redondelán, de 77 anos de idade, fará o saque de honra no partido que mañá sábado enfrontará aos dous equipos en Santa Mariña. O C.D. Choco tamén terá un recoñecemento para o seu curmán, Germán Muíños, que tamén fora xogador nos dous equipos, e que por problemas de saúde non poderá acudir ao encontro.

Carlos Muíños Reboredo (Redondela, 17/08/1941) xogaba na demarcación de dianteiro. Comezou en varios equipos infantís de fútbol en Redondela, ao tempo que practicaba outros deportes como natación ou waterpolo, chegando a ser campión galego dos 200 bolboreta en 1957. En 1955 pasou a formar parte do equipo xuvenil do CD Choco, co que participou no campionato de España de 1957. Ese mesmo ano acadou o subcampionato galego de afeccionados co equipo sénior do club. Tras un ano no Zeltia de Porriño en 1960 fichou polo Celta, pero saiu cedido ao seu club de orixe, o Choco CD, na Terceira División. En 1962 fichou polo Pontevedra CF, co que acadou o ascenso a Primeira División. En 1964 pasou ao Racing de Ferrol, no que militaría durante cinco tempadas para rematar logo a súa carreira deportiva no CD Choco. “Dula” fará o saque de honra no partido que enfrontará mañá aos que foron os seus dous equipos, encontro ao que o Ferrol chega como líder, co Choco buscando o “play off” de ascenso. O encontro será en Santa Mariña ás 17.00 horas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *