Hoxe é Xoves 28 de Xaneiro de 2021

O Chapela Rodosa faise coa terciera praza e a SAR Plastic Omnium cae a postos de perigo

RR_Noticias

Os de Fran Teixeira fixéronse coa vitoria no partido da xornada nun encontro no que foron superiores ao Acanor Novás. A SAR non puido co Embutidos Lalinense e baixa posicións. Na Honra Prata feminina o Rodavigo perde o liderado ante o Ansa Oviedo e o Rodosa Chapela segue no pozo ao ser superadas polo Seis do Nadal.

Primeira Nacional
At. Novás 23-24 Rodosa Chapela
Os homes de Fran Teixeira foron os que marcaron o ritmo do marcador practicamente en todo momento, malia que a súa renda nunca superou os tres goles. A igualdade mantívose até os últimos minutos, e finalmente a vitoria caeu do lado do Chapela, que se posiciona terceiro na táboa. Na próxima xornada reciben ao Porriño, que tamén pelexa por engancharse aos postos de cabeza.
Embutidos Lalinense 29-24 SAR Plastic Omnium
Os de Lalín, segundos na táboa, foron superiores ao conxunto redondelán, que se achega a posicións perigosas na táboa. Outro dos equipos en apuros, o Octavio, será o seu próximo rival. Os vigueses chegarán a Redondela sumando un punto máis que os de Carlos Rey como rivais directos pola permanencia.
Honra Prata Feminino

SAR Rodavigo 32-36 Ansa Oviedo
Unha mala primeira parte condenou ás de “Chini”. Non comezaron centradas as redondelás, situación que aproveitou o Ansa Oviedo aproveitouno para chegar ao descanso cunha vantaxe de oito goles (12-20). O Rodavigo conseguiu recortar distancias, pero non houbo xa tempo para a igualada. A SAR perde o liderado, que agora ostenta o Xixón, o seu próximo rival, cos mesmos puntos que o Oviedo.
Seis do Nadal 30-28 Rodosa Chapela
Ao descanso o Seis do Nadal Coia gañaba de dous, pero ao comezo do segundo tempo o Rodosa foi capaz de darlle a volta ao partido (19-21). Con todo, as de Lupo non foron quen de manter a renda, e a falta de 8 minutos un gol de Prelchi volveu pór ao Seis do Nadal por diante. E o Rodosa segue penúltimo na clasificación. A próxima xornada reciben ao Morro Jable, da metade baixa da táboa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *