Hoxe é Domingo 25 de Outubro de 2020

Leonardo Cabaleiro: “Debemos recuperar un PSOE afastado do PP”

RR_Noticias

Finalmente o comité federal do PSOE adoptou unha decisión contraria ao que demandaban as bases do partido en Redondela, localidade na que un 71% dos militantes posicionaráranse en contra dun goberno de Mariano Rajoy mantendo o “non é non” defendido polo ex secretario xeral do partido Pedro Sánchez. A decisión do PSOE de absterse e permitir ao PP formar goberno afecta piramidalmente a todos os estratos do partido, tal e como recoñece o secretario xeral en Redondela, Leonardo Cabaleiro, quen malia todo confía en que “tomada a decisión, o partido saiba reconstruír a unidade e recuperar un PSOE afastado do PP”.

“Recoñecemos que a decisión do comité federal supón a entrega do goberno ao PP pero temos que demostrarlle á sociedade que PP e PSOE non son o mesmo”. Ese é para Cabaleiro o obxectivo que debe mover o partido “unha vez que a decisión está tomada, agora toca reconstruír a unidade e a credibilidade, facendo un bloque máis forte contra as políticas antisociais do PP”. Sobre a perda de apoios por parte daqueles votantes que se sintan decepcionados coa decisión de permitir gobernar a Rajoy confía Cabaleiro en que “se poida dar un xiro contra as políticas do PP que eviten ese fluxo de votantes a outras formacións”.  

Leonardo Cabaleiro PSOE
Recuperar a credibilidade
Perda de votantes
Confía en dar un xiro contra as políticas do PP que manteña aos votantes socialistas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *