Hoxe é Luns 20 de Setembro de 2021
History
Stations
NOTHING FOUND!

Redondela celebra a feira sen incidentes pero con ausencia dos postos rexentados por Zamoranos

RR_Noticias

O concello de Redondela estaba alertado e o número de efectivos da policía era moito maior que noutras ocasións. O obxectivo era evitar que se produciran novos altercados na feira logo dos enfrontamentos vividos nas últimas semanas en diferentes mercadiños tanto no noso concello como en todo o sur da provincia. Finalmente non houbo que lamentar ningún incidente, pero si menos afluencia de público malia tratarse dunha feira en sábado e con tempo espléndido. Tamén menos ambulantes dos esperados, xa que a maior parte do vendedores Zamoranos, os que están ameazados polo clan de Los Morones, que preside Sinaí Giménez, optaron por non acudir a esta feira.

Si o fixeron un nutrido grupo dunhas setenta persoas que liderados por Giménez presentáronse en Redondela, malia non contar practicamente con postos de venda neste mercado. O amplo desplegue policial cun elevado número de axentes da policía nacional e do servizo da policía local, impediron o seu acceso para evitar enfrontamentos e garantir a seguridade de vendedores e clientes. Finalmente decidiron marcharse e a feira desenvolveuse con total normalidade, aínda que cun 10% menos de ambulantes, ao non estaren presentes os Zamoranos, quen rexentan un total de 23 postos.  
O Concello de Redondela manterá unha elevada presenza policial na feira do vindeiro 6 de decembro, unha das máis importantes do ano ao coincidir o festivo da Constitución coa proximidade do Nadal o que fai que sexa unha das máis multitudinarias do ano.

 

 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *