Hoxe é Martes 24 de Novembro de 2020

“Galego de cine” en Soutomaior

RR_Noticias

Unha caravana reconvertida en cine itinerante achegará este domingo ao Peirao de Arcade boa parte das curtametraxes feitas en galego para nenos de entre 6 e 12 anos coa finalidade de promover a nosa lingua entre os máis cativos. Os nenos crearán o seu propio conto que será gravado e poderase ver na Internet. As actividades desenvolveranse dende as 17,00 até as 20,00 horas.  

O Concello de Soutomaior e a Secretaría de Política Lingüística organizan este domingo, 22 de abril, no peirao de Arcade o proxecto itinerante “Galego de Cine”. Unha das actividades do programa de dinamización lingüística “Falaredes”, que está a percorrer Galicia coa finalidade de promover o galego entre os máis novos. Unha caravana reconvertida en cine itinerante permitiralle aos cativos ver as mellores curtametraxes feitas en galego e destinadas a un público de entre 6 e 12 anos. Despois das proxeccións os participantes confeccionarán o seu propio conto que será gravado e posteriormente colgado na Internet. Os vídeos entrarán nun concurso, que se realizará ao rematar a xira da caravana. Os mellores recibirán como agasallo o libro “Soldadiño de Chumbo” e un dvd coa película. A actividade, coordinada pola empresa Mr. Misto Films, durará tres horas, desde ás 17,00 até as 20,00. Para participar é preciso inscribirse previamente, xa que o número de prazas está limitado a 60. A inscrición é de balde e pódese facer no Multiusos de Arcade, na biblioteca municipal, no pavillón ou nas oficinas do concello. As actividades de “Falaredes” continuarán o sábado, 28 de abril, no Multiusos de Arcade co “Señor das Dunas”, un contacontos que irá narrando varias historias ao mesmo tempo que un artista gráfico as ilustra.  

Xoán Mariño de Mr. Misto Films.
Mariño explica o contido da actividade e a súa finalidade.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp