Hoxe é Luns 1 de Marzo de 2021

María Vilar imparte un obradoiro de Banda Deseñada en Chapela

RR_Noticias

A ilustradora e docente ensinaralle aos mozos a crear un cómic dende a elaboración do guión ata a creación dos debuxos e o seu coloreado. A actividade celebrarase hoxe xoves, día 18, a partir das 18.30 horas na Biblioteca de Chapela.

Dúas horas de actividade na que os mozos, de idades comprendidas entre nove e quince anos, crearán a súa propia tira cómica ou páxina de banda deseñada. Para iso contarán coa axuda da debuxante e mestra María Vilar que lle ensinará aos rapaces todo o proceso de elaboración dun cómic. Durante a primeira media hora crearán unha idea orixinal en torno á cal farán un guión, con todas as características precisas para que sexa atractivo para o público e queira mercalo. Os asistentes tamén aprenderán a crear personaxes e facer os seus deseños, que se plasmarán nun bocexo que realizará cada un deles.
Na segunda parte do obradoiro daránselle as pautas para debuxar o guión que se preparou previamente, logo pintarano. No obradoiro tamén se lle demostrará aos rapaces as vantaxes que proporcionan as novas tecnoloxías, así como o coloreado por ordenador.
A actividade celebrarase o xoves, 18 de Febreiro, a partir das 18.30 horas na Biblioteca de Chapela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *