Hoxe é Xoves 29 de Setembro de 2022
Stations
NOTHING FOUND!
Current listeners: 
Peak listeners: 

Fornelos de Montes recupera os tres días de festa coa celebración de San Lourenzo

PArisdeNoia

Fornelos celebra as súas festas grandes na honra de San Lourenzo e Santo Cristo. Logo de que pandemia obrigase a suspender as actividades en 2020, e que o ano pasado se limitara a festa a tan só un día coas medidas Covid, este ano a comisión de festas volve organizar tres días de festas.

Cayetano Tamaño, membro da Comisión de Festas

Sen protocolos xa en vigor “pero con sentidiño”, Fornelos vivirá desde a xornada de mañá martes, día 9, e ata o xoves, día 11, tres días de celebracións relixiosa, música, verbena e sobre todo “convivencia entre veciños e amigos”, como apunta Cayetano Tamaño, da organización.

Estas festas están marcadas no calendario de todos os veciños, tamén dos que viven fóra.

Mañá martes arranca  a verbena ás 23.00 coas orquestras Fania Blanco Show e Noche de Estrelllas. Xa o mércores a música comezará a soar ás 10.00 cos pasarrúas a cargo da Banda de Música de Merza. Despois da misa, prevista para as 12.30, haberá “sesión vermú” a cargo da mesma agrupación, que ofrecerá tamén un concerto ás 21.00 horas na praza do Concello. A verbena nocturna terá como prato forte á orquestra París de Noia, que xunto con Metrópolis porán a música e o espectáculo desde as 23.00

As festas rematarán o xoves, día do Santo Cristo. Ás 10.00 comezará o pasarrúas da charanga Radio Tropical. Ás 12.30 será a misa solemne, e a verbena nocturna despedirá as festas coas orquestras América S.L. e Bomba de Canarias, a partir das 23.00.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará