Hoxe é Venres 1 de Xullo de 2022
Stations
NOTHING FOUND!
Current listeners: 
Peak listeners: 

Investigan a aparición do cadáver dun home nunha casa abandonada en Arcade

cadaver

Axentes da garda civil investigan o achádego dun cadáver que aparecía a última hora da tarde de onte nunha vivenda en ruínas na baixada ao Peirao. Trátase dun corpo en avanzado estado de descomposición que foi localizado no interior dunha casa abandonada e que se descarta que pertenza a Manuela Barbosa, muller desaparecida na localidade hai xa once meses, xa que o corpo atopado correspóndese cun varón de entre 55e 65 anos.

Carlos Bas, Protección Civil Arcade-Soutomaior

Carlos bas, responsable de Protección Civil de Soutomaior explica que foron uns rapaces os que atoparon o corpo tras adentrarse na vivenda e observar unha man que sobresaía de entre uns cascallos.

Os servizos de emerxencia desprazáronse á zona e comprobaron que malia o avanzado estado de descomposición do corpo, corresponderíase cun home. Todo apunta a que sería un indixente que segundos os veciños vivía no inmoble pero que dende hai semanas non se deixaba ver.

Agora as investigacións céntranse en identificar a vítima “algo que farán no Instituto Anatómico Forense no caso de que non apareza ningunha documentación na vivenda” e tamén tentar desvelar o acontecido “se este home faleceu antes de ser soterrada polos cascallos da vivenda ou se non foi así”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará