Hoxe é Venres 1 de Xullo de 2022
Stations
NOTHING FOUND!
Current listeners: 
Peak listeners: 

A escola de verán do CR Cesantes se transforma con actividades máis aló do Remo

278084987_2304945402977746_8090389662534754484_n

Coa chegada das vacacións o CCD Cesantes-Rodavigo abre o prazo de inscrición para a súa escola de verán. O campamento realizaranse do 4 de xullo ao 31 de agosto, coa novidade de incluír actividades de ocio e manualidades que van máis alá do mundo do remo. Poden inscribirse rapaces e rapazas entre 9 e 16 anos sen necesidade de ter experiencia previa no deporte.

Dende a organización, Iván Silva, sinala que esta escola supón unha alternativa para as familias no período de vacacións escolar dos rapaces, xa que este ano se amplía de luns a xoves de 9:30 a 13:30. Trátase dunha iniciativa que entende como un momento de diversión para os nenos e nenas, pero tamén serve para conseguir nova canteira para o club. Iván asegura que “unha vez que probas este deporte, engancha e queres seguir adestrando”.

“Ademais de aprender técnicas de remo tamén aprenderán sobre a nosa ría”, conta Silva.

En canto as medidas de seguridade impostas pola pandemia, o profesor engade que “este ano haberá moitas menos restricións, pero seguiremos mantendo as normas de hixiene nos interiores e sobre todo no coidado do material”. Ademais, poderanse facer grupos máis grandes e actividades que impliquen máis proximidade entre os rapaces e as rapazas.

“Este ano faremos máis dinámicas en grupo”, explica o organizador.

 A Escola de Verán é un bo xeito de dar a coñecer o remo entre os máis novos e achegarse ás actividades náuticas. Contarán con 4 profesores do club encargados de ensinar técnica e un monitor que axudará a animar as actividades e se encargará de facer xogos e manualidades moi diversas e educativas.

“Aprendese a técnica do remo e faremos competicións e regatas”, engade Iván.

Para aqueles pais que pensen que o remo é un deporte de risco, Iván anima a que proben xa que considera que hai moitos prexuízos e ideas erróneas sobre as lesións que pode provocar. “O remo non un deporte máis perigoso que o fútbol ou o balonmán que son deportes de contacto directo”, explica o remeiro.

“O remo non é un deporte tan duro como parece,  non ten límite de idade”

A inscrición pode facerse a través do número de teléfono 640 60 92 93 ou a través do mail ccdcesantes@gmail.com. A escola ten un custo de 100 euros o mes e o prazo de inscrición estará aberto ata completar prazas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará