Hoxe é Venres 1 de Xullo de 2022
Stations
NOTHING FOUND!
Current listeners: 
Peak listeners: 

Éxito de participación e ventas na campaña Comercio na rúa

comercionarúa

A espera de coñecer os datos concretos de cada un dos comercios participantes, dende a Asociación de Empresarios, promotora do evento celebrado este sábado, valoran moi positivamente unha xornada que encheu de movemento o centro da vila durante todo o día, no que foi “un auténtico sábado de compras”.

Veciños que acudían chamados polos descontos e promocións dos diferentes comercios participantes eran os primeiros en achegarse xa a primeiras horas da mañá a unha cita comercial que busca promover os sábados de compra e fidelizar aos clientes do comercio local.

Unha xornada que se foi animando ao longo do día grazas ao bo ambiente e ao tempo que, malia os días anteriores de precipitacións, deixaban un tempo espléndido para pasear pola rúa e ir achegándose a eses postos que cada un dos participantes instalaban diante do seu establecemento ou en diferentes puntos das rúas.

Un ambiente festivo que valoran dende a Asociación de empresarios, que salientan as “boas sensacións” dun evento que non desbotan se poida volver a repetir “incrementando e integrando a totalidade dos comerciantes” que nesta primeira edición xa se sumou masivamente coa participación de máis de 60 establecementos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará