Hoxe é Mércores 18 de Maio de 2022
Stations
NOTHING FOUND!
Current listeners: 
Peak listeners: 

Paula Amoedo: “Gustaríame facer un mural en Redondela”

IMG_0563

A artista plástica de redondela, Paula Amoedo, acaba de estrearse na arte urbana tras pintar un mural dun ovni nunha das fachadas da Gran Vía de Madrid. A obra foi a elexida nun concurso de deseño lanzado pola empresa Tiger a través de Intagram. Unha experiencia que asegura foi moi satisfactoria e que confía poder repetir nas rúas de Redondela.

Estudou bacharelato de artes e está graduada en Bellas Artes pola universidade de Vigo. Agora mesmo imparte clases de pintura polas tardes, a nenos e persoas maiores, no Centro Recreativo Cultural de Redondela no Pazo de Mos. Ademais, tamén traballa para o Concello de Redondela como deseñadora gráfica e web. 

Decidiu participar no concurso “de casualidade”, grazas a unha publicación nas redes sociais. Para “Quedamos dous finalistas e a decisión final a tomou o público nunha encosta de Instagram que durou 24h”.

“Participei no concurso de casualidade a través de Instagram, non buscaba gañar”, comenta Paula.

O deseño que presentou está inspirado noutro mural galego que se atopa no espigón de A garda. A artista, conta que inicialmente a idea era moi distinta “tiña pensado facer unha nena, pero o xurado buscaba algo máis interactivo e decidín cambialo por completo”. A finalidade da obra é chamar a atención “para que a xente poida sacarse fotos como se estivera sendo aducido polo ovni”.

“Buscaban algo interactivo e orixinal”, conta a artista.

Aínda que era a súa primeira vez na disciplina da arte urbana tivo que traballar en tempo récord. Comezou ás 8:00 da mañá e rematou ás 22:30h da noite, cun único descanso para comer. Para a artista  “pintar un mural tan rápido, nunha avenida con tanto movemento foi unha experiencia moi bonita. A xente parábase a ver o meu traballo e quedei moi satisfeita”.

Paula engade, “gustoume moito que me valorasen e colleran a alguén de Redondela”

Este premio serviulle de impulso e motivación para seguir participando en certames artísticos. Agora mesmo está seleccionada para o concurso do XIX Festival de cans “Pintar o cine” que se celebra entre o 18 e 21 de maio en Porriño. “Vou facer un cadro en directo dunha escena da película galega Dhogs, porque é orixinal e creo que o distinto gusta”. 

“Estou entre os 10 finalistas do concurso de Cans”, apunta a deseñadora.

Todos os que queiran seguir o seu traballo poden facelo a través das súas redes sociais @paul.art3 ou @paulamoedol.

Aínda que a artista ve o seu futuro na docencia, o mundo do arte urbano parece que vai seguir presente na súa vida e engade que “algún día lle gustaría facer un mural en Redondela”. 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará