Hoxe é Mércores 18 de Maio de 2022
Stations
NOTHING FOUND!
Current listeners: 
Peak listeners: 

O BNG de Soutomaior proporá unha batería de medidas para mellorar a seguridade viaria e peonil do Concello

tráfico souto

A moción, que presentarán ao vindeiro pleno municipal, busca mellorar a seguridade viaria e peonil do Concello que permita salvagardar non só a seguridade da veciñanza, senón que tamén repercuta positivamente en ámbitos tan importantes como o comercio local.

En primeiro lugar, o BNG esixirá que se proceda ao “pintado inmediato dos pasos de peóns do concello que se atopan en mal estado, a retirar os obstáculos para a visibilidade nos cruces e a limpeza e pintado dos tramos que supoñen perigos evidentes para a veciñanza polo seu deterioro e abandono.

En segundo lugar, proporá a realización dunha xuntanza “antes dun mes” entre os portavoces da Corporación, a policía local e “calquera outra axente implicado” en materia de seguridade viaria e peonil, para “analizar as necesidades en materia de tráfico e accesibilidade no Concello de Soutomaior”.

 O portavoz do BNG, Manu Lourenzo tamén demandará que das conclusións desas xuntanzas se leven a cabo as medidas “máis urxentes” para garantir a seguridade da veciñanza nun prazo máximo de tres meses.

“Temos un compromiso coa veciñanza que nos traslada as súas queixas e inquedanzas sobre a seguridade viaria e peonil en Soutomaior”, afirmou Lourenzo, “e estamos a traballar para que o alcalde cumpra co seu cometido, porque un concello como o noso non se pode permitir seguir instalado no caos de tráfico no que se atopa Soutomaior”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará