Hoxe é Venres 23 de Xullo de 2021

Rutas guiada polo patrimonio natural de Chapela e Cesantes

Rutas

Os espazos naturais dos ríos Fondón e Pugariño en Chapela, e a zona intermareal de Cesantes serán protagonistas este domingo de dúas rutas organizadas pola concellería de Medio Ambiente. Para a cita de Chapela os participantes sairán dende o pavillón Manuel González Soto, ás 10.00 horas, para facer un percorrido dunhas 6 horas, con parada para descansar e xantar. A ruta ten sentido circular con paradas programadas para facela cómoda para os camiñantes, que poderán descubrir muíños ocultos, camiños e sendas cheas de sombra do bosque de ribeira da Chapela máis descoñecida. A actividade estará dinamizada por Álvaro Diego, guía local. A actividade é de balde, con prazas limitadas. Cada participante deberá levar o seu xantar, recomendase calzado e roupa cómoda.

Tamén este domingo, en Cesantes, faranse dous paseos guiados polo litoral da parroquia para coñecer a flora e a fauna da zona intermareal, e os procesos de formación da enseada e os sistemas dunares. O punto de encontro será no peirao de Cesantes, cunha primeira saída ás 10.15 horas e unha segunda ás 13.15 horas. A actividade é de balde e estará dinamizada pola empresa Faia Educación Ambiental.

Para todas as saídas poden informarse e facer a súa inscrición no enderezo electrónico turismo@redondela.gal ou no teléfono 986 40 17 13.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *